قــال مـن طـــال انتـظاره . فــــوق حـــده وانتـظر

قال من طال انتظاره فوق حـده وانتظـر=منتظر بارق وشاره ما سئمت الانتظـار
وشاعله في القلب ناره ومنها يطلع شـرر=لاتقول الا شراره والشراره بنـت نـار
ويل حالي يا نباره حس روحي في خطـر=وبالصحيح من العباره سوق نفسي للنبار
مغترب فارق دياره في المشقـه والسفـر=لا نعيم ولا تجاره غير هجـران الديـار
مثل من راد انتحاره من همومـه وانتحـر=وارتما من راس قاره وكان اشنع انتحار
وهاجسي يفقع بطاره جاب لي علم وخبـر=قال خلك يا خساره قد نسي والنوم طـار
قد نسي عهد ازدهاره والتلاقـي للسمـر=والتفاهم بالأشاره ذاك وقـت الإزدهـار
صار مخلف في مساره بل وبالعكس استمر=انحداره في انحداره خارج حدود المسار
وانتهى وقت الزياره آآآه والقلـب انفطـر=بعد هاتاك الحباره ليـت يذكرنـي وزار
وكل شي قد له عياره في ميازيين العبـر=وحاليه توزن وقاره والذهب قد له عيـار
والغلط مـع اعتـذاره قابلـه دام اعتـذر=ما نرده في قـراره وقابليـن الإعتـذار
وقلت يهناه انتصاره شن حربـه وانتصـر=شن غاره بعد غاره لين حقق الانتصـار
مارحمني من دماره ومن عذابي والسهـر=وصح ذوقني المراره وراد حدفي والدمار
وبعد ما طوَق حصاره رد حولي بالنظـر=وابتسم لي بالأماره وما رفع عني الحصار
تم قولي وإختصاره شرح موجز مختصـر=والذيابه والنمـاره يفهمـون الإختصـار