البخلاء

بخيل قامت فى بيته حريقة عمل ميسد كول للمطافى

********************************

بخيل بيتمشى مع عروسته قالت له ممكن نشرب حاجة ، أخدها وجاب لها ميه من كولدير مسجد

********************************

بخيل راح يزور واحد بالمستشفى لقى الباب مكتوب عليه " ادفع " قال خلاص ازوره لما يرجع البيت

********************************

بخيل اشترى نص كيلو برتقال " 3 برتقالات " بياكل الاولى طلعت بايظة ، التانية بايظة ، طفى النور وأكل التالتة

********************************

بخيل بيموت قال لولاده لو مت النهاردة ماتغسلونيش ، لسه مستحمي امبارح

********************************

بخيل بيموت نادى على ولاده يا محمد ، يا على ، يا صالح ردوا كلهم احنا جنبك يا بابا ، قال لهم كلكم هنا وسايبين نور الصالة والع

********************************

بخيل دخل على ولاده نايمين قال لهم بقى انتم 3 ومشغلين المروحة على 4

********************************

بخيل قال لولاده اللى هاينجح منكم هافرجه على عربية الآيس كريم

********************************

بخيل رايح البقالة ومعاه ابنه ، الولد مسك شيكولاتة وقاله بحبها يا بابا ، قال له طيب حب فيها شوية ورجعها لعمو

********************************

5 بخلاء دخلوا محل عصير طلبوا كباية عصير وخمس شفاطات

********************************

اتنين بخلاء تراهنوا مين يغطس اطول فترة ممكنة واللى يخرج الأول يعزم التانى على الغدا ، غطسوا الاتنين ولسه ماطلعوش لدلوقتى

********************************

بخيل اشترى آلة حاسبة لأولاده حذف منها الصفر علشان مايتكلموش دولى

********************************

بخيل شاف واحد بخيل صاحبه متضايق ، قال له متضايق ليه ؟ قال له انكسرت سنة
من المشط وعايز اسرح شعري ، قال له ماتعرفش تسرح من غير السنة دى ، قال له
طبعا لأنها كانت آخر سنة

********************************

بيسألوا بخيل لو الجو بارد تعمل ايه ، قال لهم اقرب من الدفاية ، قالوا له
طيب لو زاد البرد شوية ، قال لهم اقرب اكتر ، قالوا طيب لو زاد اكتر ، قال
لهم اقرب اكتر ، قالوا طيب لو زاد خالص ، قال لهم اشغل الدفاية

********************************

بخيل وقع فى حفرة اتلم الناس حواليه ، كل واحد يمد ايده ويقول له هات ايدك
وهو مش بيرد ولا يمد ايده ، بعد كم ساعة واحد صاحبه معدى ، ولما عرف
الحكاية قال لهم وسعوا انتم ، مد ايده وقال له خد ايدى

********************************

بخيل راكب تاكسى والتاكسى نزل منحدر السواق صرخ وقال مش عارف اوقف العربية ، قال له البخيل طيب وقف العداد بسرعة

********************************

زوجة بخيل بعتت ابنها يجيب 3 أرغفة خبز لها ولزوجها وللولد ، الزوج مات طلعت البلكونة قالت لابنها : ابوك مات خليهم رغيفين

********************************

ههههههههههههههههههههههههههههههههههههههههههههههههههههههههههههههههههههههههه
لك بربي لا هيك النكت لا بلا شكراً عدنان على هالنكت المميزة

البخلاء Icon_bounce

ههههههههههههههههههههههههههههههههههههههههههههههههههههه