وش فيك تبكي فديتك يابعد عمري ..؟

وش فيك تبكي فديتك يابعد عمري
حرام أشوف الدمع بعيونك

تعال أضمك وحط راسك ع صدري
ماجات ناسٍ على الدنيا يبكونك

فديت روحك وعمرك واااه لو تدري
انك في عيني طفل مابي يضرونك


امسح دموعك مدام أن اللقاء بدري
واضحك حبيبي ترى واجد يحبونك

ودي أشوفك هذيك اللى على خبري
تضحك وطير الفرح يغرد بكونك


الحزن قبلك ترى في دمي وحبري
وفالناس غير الحبايب لايهمونك

الليل توه وأخاف من الوله يسري
وانا من اول ابي فرقاه من دونك


خليك مابين الشعور الطاغي وشعري
وانس جروحك ودمع العين وطعونك

أبيك تسكن بروحي وقلبي وفكري
اباخذك عن جروح الناس وصونك

الناس لوعاشت بطيبتك ياعمري
ماكان واحد تجرأ يبكي عيونك..