يارقيق المشاعر ويـن راح الحنـان

يارقيق المشاعر ويـن راح الحنـان
ليه ماشلت قلب طـاح قـدام عينـك

الزمن هو زمانك والمكـان المكـان
واخر الشعر كلمه تسألك عنك وينـك

من تقهويت صوتك سولف الزعفران
عاد وشلـون فنجالـن تمـده يمينـك

تذكر شلون كنا والغـلا كيـف كـان
يوم لاغبت عنك مااسمع الا ونينـك

اشعر بخوف مدري كنت احس بامان
يكفي ان جيت يمك طار فيني حنينـك

وشكثر كنت وافي واقرب الناس خان
بس اثق فيك حتى لو عيوني تدينـك

راحت اسنين من عمري وعمرك ثمان
يوم شحت سنيني عوضتنـي سنينـك

زان عمري بقربك يعني الوقـت زان
حتى جرد القصايد ربعت في يدينـك

طول عمري وانا لاوي اذراع الهوان
شفت يومك بعيني منهو يقدر يهينـك

مذكر اني نسيتك واذكرك من زمـان
واذكر اني ضحيه بين قلبـي وبينـك

تدري وش جابني لك لاتقول الحنـان
جيت بشيل قلبن طـاح قـدام عينـك

رااااااااااائع جداً جداً جداً شكرا

شاكرة لك مرورك العطر